जागतिक कविता दिनानिमित्त
" मनातील भावनांना वाट मोकळे करून देणारे शब्द म्हणजे कविता "
।। शुभेच्छा ।।
कवींच्या कवितेला शुभेच्छा
कवयित्रींच्या कवनाला शुभेच्छा
वारकरीच्या भजनाला शुभेच्छा
कबिरांच्या दोह्याला शुभेच्छा
तमाशातल्या लावणीला शुभेच्छा
नाटकातील पद्याला शुभेच्छा
चित्रपटातील गाण्याला शुभेच्छा
शाहिराच्या पोवाड्याला शुभेच्छा
तुकारामाच्या अभंगाला शुभेच्छा
ज्ञानेश्वरांच्या ओव्याला शुभेच्छा
एकनाथांच्या भारुड्याला शुभेच्छा
रामदासांच्या दासबोधाला शुभेच्छा
महात्मा फुलेंच्या अखंडला शुभेच्छा
सावित्रीबाईंच्या बावनकशीला शुभेच्छा
काव्य रचणाऱ्या कवीमनाला शुभेच्छा
काव्य वाचणाऱ्या वाचकांना शुभेच्छा
- नासा येवतीकर, येवती
ता. धर्माबाद जि. नांदेड 9423625769
~~~~~~~~~~~~~~~~~~~~
।। कविता ।।
शब्द हेच धन शब्द हेच मन
शब्दामुळेच जिवंत आहे तन
कवितेतील शब्द बोलाविते मला
कवितेतील शब्द जगविते मला
कवितेमध्येच गुंतला माझा प्राण
कवितेनेच दिलाय मान सन्मान
- नासा येवतीकर
।। कविता ।।
शब्दांमागून शब्द आले
मनात आले लिहीत गेलो
अनुभवाचे काही विचार
काव्यामधून व्यक्त केलो
कमी शब्दांत जास्त विचार
कवितेतून होतो साकार
आपल्या मनातील भावनांना
कवी कवितेतून देतो आकार
शब्द हेच त्यांचे धन
शब्द हीच त्यांची संपत्ती
शब्दांचे भाव जोडले की
होते नव्या कवितेची उत्पत्ती
कविता वाचायला सोपी पण
समजायला अवघड असते
शब्दांमधून उतरलेल्या भावना
कवींचे हळवे मन सांगते
- नासा येवतीकर, 9423625769
21 मार्च 2020 @ 08:02 pm
~~~~~~~~~~~~~~~~~~~~
।। कविता ।।
कविता कशी करावी ?
साधी करावी, सोपी करावी
दुसऱ्यांना समजेल अन
उमजेल अशी करावी
कविता कोठे करावी ?
घरात करावी, बाहेर करावी
ज्याठिकाणी सुचत असेल
त्याठिकाणी लगेच करावी
कविता कोणावर करावी ?
आई वर करावी
बायको वर करावी
जीवापाड प्रेम करणाऱ्या
जुन्या प्रेयसीवर करावी
कविता का करावी ?
मन समाधानासाठी करावी
कुणाचे तरी दुःख दूर
सारण्यासाठी करावी
- नागोराव सा. येवतीकर, धर्माबाद
जागतिक कविता दिनानिमित्त सर्व कवी व कवयित्री यांना मनापासून शुभेच्छा ....!
~~~~~~~~~~~~~~~~~~~~
जगणे कसे असावे ?
जगतात किडे मुंगी ही
जगण्याला अर्थ असावे
आपले जगणे कसे असावे ?
कोणी आठवण काढेल
आपले काम असे असावे
आपले जगणे कसे असावे
चार माणसात नाव निघेल
आपले वागणे असे असावे
आपले जगणे कसे असावे ?
कुणालाही दुखावणार नाही
आपले बोलणे असे असावे
आपले जगणे कसे असावे ?
डोक्यात उच्च विचार ठेवावे
आपले राहणे असे असावे
आपले जगणे कसे असावे ?
शंभर दिवस शेळी होण्यापेक्षा
एक दिवस सिंहासारखे जगावे
आपले जगणे कसे असावे ?
- नासा येवतीकर, येवती
ता. धर्माबाद जि. नांदेड
कविता - जीवनगाणे
........ कविता ........
जो तो उठतो नि करतो कविता
म्हणतो सर्वाना कशी वाटली कविता
चार दोन शब्दाची करतो कविता
म्हणतो माझा प्राण आहे कविता
कवींचे मन सांगत असते कविता
कवींच्या भावना कळवते कविता
मनोरंजनासाठी वाचावी का कविता ?
विरंगुळा म्हणून लिहावी का कविता ?
सर्वाना हवीहवीशी वाटते कविता
मनातल्या भावना व्यक्त करते कविता
- नासा@26
~~~~~~~~~~~~~~~~~~~~
आज जागतिक कविता दिवस त्यानिमित्ताने दोन शब्द .......
साहित्यिक मित्रांनो, कुणाचे साहित्य चोरी करू नका. इतरांचे साहित्य आवडले असेल तर प्रामाणिकपणे त्यांच्या नावासकट पुढे पाठवत राहावे. स्वनिर्मिती मध्ये जो आनंद असतो तो आनंद साहित्य चोरी करून आपल्या नावाने publish करण्यात कधीच नसते. म्हणून सध्याच्या काळात जी साहित्याची चोरी जे की फार मोठ्या प्रमाणात वाढत आहे, ती थांबवू या, एवढीच विनंती .........!
जागतिक कविता दिनानिमित्त वरील कविता आवडली तर मनातून शुभेच्छा द्या
....... धन्यवाद ....
- नासा येवतीकर, धर्माबाद, 9423625769
No comments:
Post a Comment