या ब्लॉग वरील सर्व लेखाचे हक्क सौ.अर्चना नागोराव येवतीकर यांच्याकडे आहेत. परवानगी शिवाय लेख फॉर्वर्ड किंवा प्रकाशित करू नये पाऊलवाट पुस्तकाचे प्रा. इंद्रजित भालेराव यांच्या हस्ते प्रकाशन
Friday 16 April 2021
महावीर जयंती
Wednesday 14 April 2021
14/04/2021 babasaheb
।। भीमजयंती ।।
यंदाची भीमजयंती साजरी करू या आपल्या घरी
दीप लावू या ज्ञानाचा प्रकाश पसरेल दारोदारी
नको कोणती मिरवणूक नको नाच गाणे
अभ्यासाच्या नादात विसरू खाणे-पिणे
सर्वांपेक्षा वेगळी चला जयंती करू साजरी
दीप लावू ज्ञानाचा प्रकाश पसरेल दारोदारी
बाबांनी सांगितलं आम्हां उच्च शिक्षण घेत जावा
शिक्षण वाघिणीचं दूध आहे रोज ते पीत राहावा
शिक्षणानेच सन्मान होईल तुझा घरोघरी
दीप लावू ज्ञानाचा प्रकाश पसरेल दारोदारी
त्यांच्या पुण्याईने साऱ्यांचा एवढा विकास झाला
शिकून सवरून चारचौघात खरा शहाणा झाला
त्यांचे गुणगान गाईन माझ्यात प्राण आहे जोवरी
दीप लावू ज्ञानाचा प्रकाश पसरेल दारोदारी
- नासा येवतीकर, येवती, ता. धर्माबाद जि. नांदेड 9423625769
समाजात हीन वागणूक होताना
डोळ्यात अश्रूची साठवण होते
अस्पृश्यतेचे दृश्य पाहून आज ही
डॉ. बाबासाहेबांची आठवण येते
गावातील उच्चभ्रू लोकांच्या पंगतीत
बसायला अस्पृश्याना हरकत होती
स्पृश्य आणि अस्पृश्य म्हणून
समाजात त्यांची फारकत होती
बाबासाहेबांना आलेले अनुभव
अजून ही स्मरणात आहेत
तेच अनुभव पुन्हा पुन्हा
लोकांच्या जीवनात येत आहेत
शिक्षणाने सर्व विकास होतो
असे अनेक महात्मे सांगून गेले
सारे शिकून शहाणे झाले तरी
यांच्यात फरक का नाही पडले
असे विचार जेंव्हा करतो
मनात क्रांतीची मशाल पेटते
तेंव्हा एकटाच धावतो सैरभैर
भेटतो अनेकांना मन विशाल वाटते
अनेक विचारवंतांना वाटले होते
शिक्षणाने काही बदल होईल
पण वाटले नव्हते कधीच
या शिकलेलीच माणसाच्या
याच शिक्षणाने एवढा घात होईल
- नासा येवतीकर, धर्माबाद
विश्वरत्न ...
भोगले नशिबात ज्यांनी
ते इतरांना नको यायला
याच इच्छेपायी त्यांनी
पूर्ण विश्व बुद्धमय केला
शिक्षणाने जीवन बदलते
सांगून गेले महात्मा फुले
बाबासाहेब आजीवन
त्याच वाटेवर अखंड चालले
त्यांनी शिकले जगाला शिकविले
जगण्याचा सन्मार्ग सांगितला
दिवसरात्र अभ्यास करण्याचा
मोलाचा सल्ला त्यांनी दिला
बाबासाहेब आमच्या मनात आहेत
कित्येकाच्या हृदयात आहेत
बाबासाहेबांचे विचार आज
प्रत्येकांच्या घराघरात आहेत
- नासा येवतीकर, धर्माबाद
आज ही तुमचे नाव ओठावर कायम आहे भीमराया
पहाटे उठल्या क्षणी प्रथम पडतो मी तुमच्या पाया
तुमच्या विचारांमुळेच माझे जीवन सार्थक झाले
खितपत पडलो असतो कुठं तरी गेलो असतो वाया
जयंतीच्या निमित्ताने कोटी कोटी प्रणाम भीमराया
- नासा येवतीकर, विषय शिक्षक, कन्या शाळा धर्माबाद
भीमा तुझ्या जन्माने
भीमा तुझ्या या जन्माने
जगण्यास अर्थ मिळाला
तळागाळातील लोकांना
पुन्हा नवा जन्म मिळाला
स्पृश्यास्पृश्य संपून गेला
मंदिरात प्रवेश मिळाले
महाडच्या चळवळीमुळे
नदीनाले ही चवदार झाले
सर्वाना दिलात अधिकार
भारताची घटना लिहून
हक्काची जाणीव ठेवतो
कर्तव्याला नित्य स्मरून
चौदा एप्रिल मनात बसलंय
विसरेन कशी जयंती बाबांची
खायला मिळते मिरची-भाकर
ही पुण्याई आहे भीमरावांची
- नासा येवतीकर, धर्माबाद
9423625769
*महामानव भारतरत्न डॉ. भीमराव रामजी आंबेडकर यांच्या 131 वी जयंतीनिमित्त हार्दीक शुभेच्छा ......!*
Sunday 11 April 2021
11/04/20021 Covid-19
पुस्तक परिचय - प्रेम उठाव ( Prem Uthav )
*प्रेमाचा खरा अर्थ सांगणारा काव्यसंग्रह प्रेम उठाव* प्रेम या भावनेला अनेक पदर आहेत. प्रेमाकडे पाहण्याची आपली दृष्टी जशी असेल त्य...
-
सूर्यमाला व त्यातील विविध ग्रहांची माहिती फोटोसह सूर्यमाला सूर्यमाला ही सूर्याच्या गुरुत्वाकर्षणामुळे त्य...
-
जागतिक हस्ताक्षर दिवस त्यानिमित्ताने प्रासंगिक लेख *सुंदर हस्ताक्षर : एक दागिना* शाळेतील विद्यार्थ्यांच्या गृहपाठाच्या वह्या तपा...
-
आई असावी जिजाऊसारखी कुटुंबातील सर्वात महत्वाची व्यक्ती म्हणजे आई. स्वामी तिन्ही जगाचा आई विना भिकारी असे म्हटले जाते खरोखरच ज्यास आई नाही त...