📘 पुस्तक परीक्षण 📘
*** दीपालिका दिवाळी अंक ! ***
सर्वांना नमस्कार ! अनेक प्रतिथयश नसलेले परंतु चांगलं लेखन करणारे लेखक आणि कवी मित्र यांना प्रोत्साहन देण्यासाठी श्री. अरविंद कुलकर्णी आणि श्री. नासा येवतीकर ( स्तंभ लेखक ) यांनी पुढाकार घेऊन आणि सोबतीला आणखी काही उत्साही मित्र संपादकीय मंडळात घेऊन या दिवाळीअंकाचे प्रकाशन यशस्वी करून दाखविले आहे असं म्हटलं तर वावगं ठरणार नाही !
या अंकाचे छपाई , मुखपृष्ठ , आणि मागणीप्रमाणे प्रत्येकाच्या घरी पोहोचवण्याचं काम " शॉपीझेन " या कंपनीने योग्य तऱ्हेने पार पाडले आहे . शिवाय हा दिवाळीअंक अमेझॉन या ऑनलाईन साईटवर उपलब्ध करून ठेवला आहे.
काही दिवसापूर्वी मला हा दिवाळीअंक घरबसल्या मिळाला ! इतर दिवाळीअंक साधारण दसऱ्यापासून बाजारात यायला सुरुवात होते , त्यामानाने बराच लवकर एक दिवाळीअंक घरी आल्यामुळे साहजिकच आनंद झाला .
मी आणि माझ्या सौ. ने चारपाच दिवसात बराच अंक वाचून काढला. अंकात लघुकथा, ललित व वैचारिक, वैचारिक लेख व्यक्तीविशेष, कविता आणि गझल असे विभाग पाडले आहेत तें योग्यच आहे !
शिवाय संपादकांचे मनोगत श्री. अरविंद कुलकर्णी यांनी आणि संपादकीय हें श्री. नासा येवतीकर यांनी अत्यंत अनुरूप असें लिहिले आहे. शॉपीजनच्या ऋचा दीपक कर्पे यांनी स्वतःची जबाबदारी व्यवस्थित पार पाडल्याचे जाणवते !
आता मला या अंकाबद्दल काय वाटते तें पटतंय का तें बघा. अंकाचा आकार पारंपारिक दिवाळी अंकासारखा नाही. दिवाळी अंकापेक्षा लहान आणि एखाद्या पुस्तकासारखा आहे त्यामुळे त्याची शोभा कमी झाल्यासारखी वाटते . जेवढं अंतरंगाला महत्व असतं तेवढंच बाह्यरंग महत्वाचे असते असं मला वाटतं . असो. आपण आता अंतरंगाकडे वाळूया !
पहिलीच कथा " चमचाभर आनंद " घडाभर आनंद देऊन जाते ! त्याचप्रमाणे , कातरवेळ, भाऊबीज , समाजावणी, कळावे लोभ नसावा , निर्णय, शेवटची भेट, काटेकोरांटीची फुले, या लघुकथा विशेष उल्लेखनीय वाटल्या ! " हे ही दिवस जातील एक चांगला संदेश देऊन जाते .
'ललित व वैचारिक ' मधली " वसंती ओढ " यांत फक्त तारुण्यातील प्रेमाची ओढ जाणवते ! इतर लिखाणही यापेक्षा अधिक चांगलं लिहिता आलं असतं असं वाटून जातं पण प्रयत्न म्हणून चांगलं आहे !
" वैचारिक लेख " या सदरात प्रत्येकाने स्वतःचे विचार मांडण्याचा प्रयत्न केला आहे पण त्यात अधीक नावीन्य असायला हवं होतं असं वाटतं !
" व्यक्ती विशेष " मधली शेख जानी शेख नबीसाहब यांची माहिती उल्लेखनीय आहे !
" ऑक्शन " नावाचं प्रवास वर्णन छान जमलंय !
( एखादा फोटो हवा होता )
अनेक पारितोषिक विजेत्या ठमाताई पवार यांची मुलाखत घेऊन अंकाची शोभा वाढली आहे ! (फोटो हवा होता ).
कविताँच्या दालनातील सर्व कविता वाचनीय आहेत . त्यातील "अंधश्रद्धा भारूड " आणि ' सृष्टी फुलली आनंदाने " या कविता विशेष उल्लेखनीय !
या दीपालिका दिवाळी अंकाच्या शेवटी स्थान मिळालेल्या गझला अतिशय सुंदर आहेत ! "घालता गोंधळ कशाला ", " कुणाची काय पर्वा ", "जमाव " आणि " वनहरिणी "या चारही ही गझला सामाजिक परिस्थिती अधोरेखित करतात , आणि " सांगायचे कशाला " ही गझल ह्रिदयस्पर्शी झाली आहे तसेच " काळोख आज दाटला " हें प्रेमागीत झालं आहे !
आणि सर्वांत शेवटी असलेली " शुभ दीपावली "
सर्वांना दिवाळीच्या हार्दिक शुभेच्छा देते आणि या दिवाळी अंकाचा गोड शेवट होतो !!!
साहित्य प्रेमिंना हा दिवाळीअंक नक्कीच आवडेल !
अजित हरचेकर .
दादर , मुंबई .
३०/०९/२०२४ .
~~~~~~~~~~~~~~~~~~~~~
पोस्टमनद्वारे आज मला शाळेत अंक मिळाला. अंक हातात घेताच डोळे पाणावले होते.आणि उत्सुकता होती ती प्रथम माझी कविता बघण्याची. शाळेत असल्यामुळे अंक फारसा हाताळता आला नाही ;पण घरी गेल्यानंतर आईबाबांना नमस्कार करून ही आनंदाची बातमी सांगितली आणि शाबासकी मिळवून आवरून पुस्तक वाचायला सुरूवात केली.
पुस्तकाचं मुखपृष्ठ इतकं आकर्षक आहे की त्याने मला लगेच आपल्याकडे खेचून घेतलं .नासा सरांच्या संपादकीयातून पुस्तकातला आत्मा कळला .यावरून पुस्तक वाचण्याला पुन्हा नवा उत्साह मिळतो .
पहिल्या 'चममाभर आनंद या लघुकथेपासुन सुरूवात केली तर आजूबाजूला काय घडतंय याचं भान विसरून पुस्तकात मग्न झाले ते 'मुलाखती'वर जाऊन पोहोचल्यावर आईची हाक कानावर पडली.
म्हणजे जवळजवळ निम्माहून जास्त पुस्तक वाचून झालं . प्रत्येक वाचकाच्या बाबतीत हेचं झालं असेल आणि होईलही याची खात्री वाटते. पुस्तकातल्या प्रत्येक साहित्यातून एक चांगला संदेश मिळतोय .काही साहित्य वाचताना हे आपल्यासोबत किंवा आपल्या समोरच घडतंय असाही भास होतो. साहित्याची निवड खूप विचार करून केलेली जाणवते. आयुष्यातल्या लहानात लहान गोष्टींवर लिखाण केलेलं आहे त्यामुळे पुस्तक वाचायला अधिक रस येतो. पुस्तकाची पानंही जाड आहेत ."हा दीपालिका दिवाळी अंक २०२४ या दिवाळीत प्रत्येक वाचकाच्या मनात तेवणार्या दिव्याच्या ज्योतीला अधिक तेजोमय करेल याची खात्री आहे" हे साहित्य आवडलं आणि हे ही छान आहे असं मी म्हणूच शकत नाही कारण प्रत्येक साहित्यातून नव्या विचारांत जायला होतं.जवळजवळ आयुष्य कसं जगावं आणि कोणते विचार आत्मसात करावे याचे मार्गदर्शन या पुस्तकात आहे. मी दहावीत शिकते पण मी अजूनही माझं ध्येय निश्चित केलेलं नाही पण नक्कीच पुस्तकातल्या साहित्य मार्गदर्शनाचा उपयोग मला माणसापासून माणुसकीपर्यंत जाण्यासाठी होईलचं माझ्याही साहित्याची निवड केल्यांबद्दल पुन्हा एकदा धन्यवाद आणि पुढील प्रकाशनांसाठी खूप खूप शुभेच्छा!!
प्रतिक्षा धनंजय नेवरेकर
रत्नागिरी (निवेंडी)
~~~~~~~~~~~~~~~~~~~~
🙏🏻 नमस्कार 🙏🏻
मी काव्यरसिका
सौ. रसिका आनंद शाळिग्राम, पुणे .
माझे पुस्तक परीक्षण
पुस्तकाचे नाव - दीपालीका दिवाळी अंक 2024
सर्व संपादक मंडळ,
आपले मनःपूर्वक आभार 🙏🏻
सर्व संपादक मंडळांनी माझ्यासारख्या नवोदित साहित्यिकांना आमचे लेख, कविता, गझल आपल्या अंकामध्ये छापून आम्हाला मानाचे स्थान दिले. 🙏🏻
वर्तमानपत्र मध्येही मी लेख, कविता, प्रतिक्रिया लिहित असते त्याही वर्तमानपत्रात छापून आल्यावर खूपच आनंद होतो..
📘आज प्रथमच पुस्तकामध्ये तेही दिवाळी अंकामध्ये आपल्या दीपालिका दिवाळी अंकामध्ये माझी कविता छापून आली आहे. मनस्वी आनंद झाला ...
सर्वप्रथम माझा विश्वासच बसेना पण जेव्हा मी स्वतःचे नाव वाचले तेव्हा माझा विश्वास बसला.
🙋🏻♀️ काव्यरसिका अशी स्वतःची नवीन ओळख निर्माण झाली. 📝
दिवाळी अंकामध्ये माझी स्वरचीत कविता प्रकाशित करून मला आपल्या दीपालीका दिवाळी अंक 2024 या दिवाळी अंकामध्ये काव्य लेखनाची सुवर्णसंधी दिली. अतिशय सुंदर, वाचनीय अशा दीपालीका दिवाळी अंक 2024 या अंकामध्ये प्रथमच माझी कविता प्रकाशित झाली आहे. त्याबद्दल मला अतिशय आनंद झालेला आहे. त्याबद्दल मी सर्व संपादक मंडळांची खूप खूप मनस्वी आभारी आहे.🙏🏻
याही पुढे आपण मला आपल्या दिवाळी अंकासाठी उत्तम लेखन करण्याची सुवर्णसंधी द्याल अशी मी अशा व्यक्त करते. 🙏🏻
प्रकाशक ... शॉपीजन मराठी विभाग प्रमुख माननीय ऋचा दीपक कर्पे.
नमस्कार ऋचा मॅडम आपण दीपालीका दिवाळी अंक 2024 आमच्या सर्व साहित्य मंडळींपर्यंत पोहोचवल्याबद्दल आपले आणि शॉपिझेनचे मनःपूर्वक आभार. 🙏🏻
आपले कार्य खूपच महान आहे. आपले कौतुक करावे तेवढे थोडे आहे. 🙏🏻
दिवाळी अंकाचे मुखपृष्ठ अतिशय सुंदर आहे. साहित्यरंजनच्या माननीय सौ. शिल्पाताई रवी यांनी दिवाळी सणाला साजेसे असे मुखपृष्ठ केले आहे. दिवाळीमध्ये आपण रंगीबेरंगी दीप प्रज्वलित करतो. आपल्या जीवनातील अंधकार, नकारात्मकता नाहीसे होऊन आपले जीवन प्रकाशमान बनावे
असा सुंदर गर्भित अर्थ आपल्या दीपालीका दिवाळी अंक 2024 मुखपृष्ठाचा आहे.
दिवाळी अंकाचे मलपृष्ठ श्री.अरविंद कुलकर्णी सरांनी खूप छान लेखन केले आहे. सरांनी लिहिल्याप्रमाणे लेखक आणि कवी आपल्या मनातील भावना व्यक्त करण्याचे माध्यम म्हणजे लेखन.
लेखन साहित्य वाचण्यासाठी जास्तीत जास्त वाचक वर्ग निर्माण व्हावा म्हणून साहित्यरंजन नावाचा एक समूह देखील आहे.
अंकाची पृष्ठसंख्या ... ११९
दीपालिका दिवाळी अंकामध्ये लघुकथा, ललित व वैचारिक लेख, व्यक्तिविशेष, कविता विभागआणि गझल विभाग अशा अनेक वेगवेगळ्या साहित्यांनी वाचकाचे रंजन होते.
दीपालीका दिवाळी अंक 2024 मधील सर्वांच्याच लघुकथा, ललित व वैचारिक लेख, व्यक्तिविशेष ,कविता आणि गझल अतिशय उत्तम आणि वाचनीय आहेत. मला दीपालिका दिवाळी अंक 2024 संपूर्ण दिवाळी अंक मनापासून आवडलेला आहे.👌🏻💐
---------------------------
👍🏻 अभिप्राय 👍🏻
कथाविभाग - लघुकथा - चमचाभर आनंद
लेखिका.. मेधा नेने यांच्या लेखामधून छोट्या छोट्या गोष्टींमधून मोठा आनंद मिळतो हा संदेश मिळाला.
वैचारिक लेख - रूढी परंपरा आणि नवीन पिढी
लेखिका.. प्रा. सौ .सुमती पवार यांच्या लेखामधून दोन पिढ्यांनी सुवर्णमध्य कसा काढावा याचे छान मार्गदर्शन केले आहे.
वैचारिक लेख - भुताला पत्र
लेखक.. सुनील खंडेलवाल यांनी या लेखामध्ये अंधश्रद्धा या विषयावर भाष्य केले आहे. श्रद्धा असावी अंधश्रद्धा नसावी असा संदेश या कथेतून मिळाला .
लालकृष्ण आडवाणी व्यक्ती विशेष वाचनीय आहे.
लेखिका वर्षा कुवळेकर यांच्या लेखामध्ये ऑक्शन या एका शब्दा वर आधारित हास्य लेखातून प्रत्येक गावातील भाषेचा एक वेगळा लहेजा असतो हे सिद्ध होते.
कविता विभाग - असे पाहुणे येती या कवितेमध्ये कवयित्री चैताली देशपांडे यांनी अतिशय परखडपणे वास्तव विचार मांडलेले आहेत..
🎇 शुभ दिपावली 🎇 या कवितेमध्ये कवयित्री काव्यरसिका सौ. रसिका आनंद शाळिग्राम पुणे यांच्या कवितेमध्ये दिवाळी या सणांचा राजाचे खूपच सुंदर शब्दांमध्ये स्वागत आणि वर्णन केले आहे .
कविता वाचताना....आपण दिवाळी सण अनुभवत असल्याची जाणीव होते.
दिवाळी सणाचा उत्साह, आनंद डोळ्यासमोर उभा राहतो.
दिवाळीच्या कोटी कोटी शुभेच्छा सर्व रसिक वाचकांसाठी लाख मोलाच्या आहेत....
सर्व रसिक वाचकांच्या वाचन प्रेमामुळेच आम्हा सर्व लेखक, कवयित्रींना काव्यरसिकांना उत्तम उत्तम लेखन करण्यासाठी प्रोत्साहन मिळते. 👍🏻
🌹दीपालीका दिवाळी अंक🌹 2024
या दिवाळी अंकातील सर्व लेख आकर्षक आहेत सर्व कविता, गझल वाचनीय आहेत. मनाला निखळ आनंद देणारा दीपालीका दिवाळी अंक आहे. मला दीपालीका दिवाळी अंक खूप खूप मनापासून आवडला.
सर्व संपादक मंडळाचे, ऋचा मॅडमचे सर्व लेखकांचे सर्व कवी, कवयित्रींचे मनापासून आभार 🙏🏻
धन्यवाद ......!
काव्यरसिका
सौ. रसिका आनंद शाळिग्राम, पुणे.
