दिनविशेष माहिती - 10 जुलै

नमस्कार विद्यार्थी मित्रांनो, 

कसे आहात ? मजेत ना !

 

मी नासा येवतीकर, दिनविशेष माहिती कार्यक्रमात आपले स्वागत करतो.

आज १० जुलै जागतिक ऊर्जा स्वातंत्र्य दिन त्यानिमित्ताने आजच्या कार्यक्रमात आपण ऊर्जा स्वातंत्र्य याविषयी माहिती पाहू या. 

लक्ष देऊन ऐका हं, कारण या माहितीच्या आधारे तुम्हाला पाच प्रश्नांची उत्तरे द्यायची आहेत. 

चला तर मग ऐकू या ......

ऊर्जा म्हणजे आपल्या दैनंदिन जीवनाला गती देणारी शक्ती. वीज, पेट्रोल, डिझेल, गॅस, कोळसा आणि सूर्यप्रकाश यांसारख्या विविध स्रोतांमधून आपल्याला ऊर्जा मिळते. परंतु कोळसा, पेट्रोल आणि डिझेल यांसारखे पारंपरिक ऊर्जास्रोत मर्यादित आहेत, आज नाही तर उद्या ते संपणारे आहे. त्यांचा अतिवापर केल्याने पर्यावरणाचे नुकसान होते.

म्हणूनच ऊर्जा स्वातंत्र्य म्हणजे शक्य तितक्या प्रमाणात जी ऊर्जा कधी ही संपणार नाही असे उदाहरणार्थ सौर ऊर्जा, पवन ऊर्जा, जलऊर्जा आणि जैवऊर्जा यांसारख्या स्वच्छ व नूतनीकरणक्षम ऊर्जास्रोतांचा वापर करून ऊर्जा क्षेत्रात स्वावलंबी होणे. यामुळे इंधनावरील आपले अवलंबन कमी होते, पर्यावरणाचे संरक्षण होते आणि भावी पिढ्यांसाठी नैसर्गिक संसाधने जपली जातात.

विद्यार्थी म्हणून आपणही ऊर्जा बचतीसाठी महत्त्वाचे योगदान देऊ शकतो. वर्गातून किंवा घरातून बाहेर पडताना दिवे, पंखे आणि इतर विद्युत उपकरणे बंद करणे, गरज नसताना विद्युत उपकरणाचा वापर करू नये, दिवसा नैसर्गिक प्रकाशाचा वापर करणे, पाण्याचा काटकसरीने वापर करणे आणि ऊर्जा बचतीचा संदेश इतरांपर्यंत पोहोचवणे ही आपली जबाबदारी आहे.

लक्षात ठेवा, "ऊर्जा वाचवले तर पर्यावरण वाचेल, म्हणजेच आपले भविष्य सुरक्षित राहील." आजच्या या दिनानिमित्त आपण सर्वांनी ऊर्जा बचतीची सवय लावण्याचा आणि स्वच्छ ऊर्जेचा वापर वाढविण्याचा संकल्प करूया.

मुलांनो, तुम्हांला ही माहिती कशी वाटली ? नक्की कळवा. 

चला आता या माहितीवर आधारित काही प्रश्न आणि उत्तर पाहू या 

पहिला प्रश्न - जागतिक ऊर्जा स्वातंत्र्य दिन कधी साजरा केला जातो ?

बरोबर उत्तर आहे, 10 जुलै रोजी जागतिक ऊर्जा स्वातंत्र्य दिन साजरा केला जातो. 

दुसरा प्रश्न - संपणाऱ्या पारंपरिक दोन ऊर्जास्रोताची नावे सांगा ?

बरोबर उत्तर आहे, कोळसा, पेट्रोल आणि डिझेल यासारखी पारंपरिक ऊर्जास्रोत आज नाही तर उद्या संपतात.

तिसरा प्रश्न -  न संपणाऱ्या दोन ऊर्जास्रोताची नावे सांगा ?

बरोबर उत्तर आहे, सौर ऊर्जा, पवन ऊर्जा, जलऊर्जा आणि जैवऊर्जा ही न संपणारी ऊर्जास्रोत आहेत. 

चौथा प्रश्न - वर्गातून किंवा घरातून बाहेर पडताना काय करावे ?

बरोबर उत्तर आहे, वर्गातून किंवा घरातून बाहेर पडताना दिवे व पंखे बंद करावेत. 

आणि आता शेवटचा पाचवा प्रश्न जरा विचार करून द्या - पर्यावरणाचे रक्षण करण्यासाठी काय करावे ?

बरोबर उत्तर आहे - पर्यावरणाचे रक्षण करण्यासाठी ऊर्जेची बचत करणे आवश्यक आहे. 

चला पुन्हा भेटू या उद्याच्या दिनविशेष माहिती कार्यक्रमात, तोपर्यंत नमस्कार. 🙏

( वरील सर्व माहिती इंटरनेट वरून संकलित करण्यात आले आहे. )

संकलन :- नासा येवतीकर, 9423625769