आलं रे नवीन वर्ष
आलं रे नवीन वर्ष
सर्वाना झालंय हर्ष
हसत गाऊ गोड गाणी,
त्याने हृदयास होई स्पर्श ।
हाती घेऊ पुस्तक नि पेन
छोटी स्वप्नं नवी पाहू या
चांगल्या सवयी सोबत
रोज गोड गोष्टी करूया ।
आई-बाबांचा ठेवून मान
शिक्षकांचे रोज ऐकूया
सर्व एकत्र राहून प्रेमाने
चला नवीन वर्ष जगूया ।
नासा येवतीकर, धर्माबाद
~~~~~~~~~~~~~~~~
नवा वर्ष : नवा हर्ष
नवे नवे सूर घेऊन येताना
आशेचा एक किरण हसतो
निरोप देता जुन्या गोष्टीला
नव्या स्वप्नांचा रस्ता दिसतो ।
मागे ठेवून कालच्या चुका
आज नवी उमेद घेऊ या
जिद्द, विश्वास नि कष्टाने
उज्ज्वल भविष्य घडवू या ।
गार वारा नव्या पहाटेचा
मनामनात आनंद पेरतो
पालवी नव्या विचारांची
पुन्हा जीवन फुलवतो ।
वैर संपवूनी, प्रेम वाढवू
मनातील द्वेष दूर करू या,
आपण सारे एक भावनेने
वर्ष नवीन साजरा करू या ।
प्रत्येक दिवशी धडा नवा
प्रत्येक क्षणी अर्थ नवा
प्रत्येकाचा संकल्प नवा
प्रत्येकासाठी हा वर्ष नवा ।
नासा येवतीकर, धर्माबाद
~~~~~~~~~~~~~~~~
सर्व वाचकांना नवीन वर्षाच्या हार्दिक शुभेच्छा .......!
नासा येवतीकर, स्तंभलेखक, 9423625769
No comments:
Post a Comment