All kavita

पूर्वी नि आज

पूर्वी भल्या पहाटे लोकं कामाला जात

आज भल्या पहाटे लोकं वॉक करतात

पूर्वी भल्या पहाटे चिवचिव आवाज होई

आज भल्या पहाटे कानी रिंगटोन ऐकू येई

पूर्वी भल्या पहाटे पाणी भरत असे बाया

आज भल्या पहाटे अंगण झाडतोय राया

पूर्वी भल्या पहाटे सकाळी वासुदेव येई घरी

आज भल्या पहाटे प्रत्येक दारावर भिकारी

आज भल्या पहाटेची चित्र बदलली सारी

पूर्वीचीच दुनिया होती आतापेक्षा लई भारी

- नासा येवतीकर, धर्माबाद, 9423625769

बालकविता - आईचा बाळ

आईचा बाळ दिसतो हसरा

दुडूदुडू चाले धरून कोपरा

उचलून घ्यावे म्हणून रडतो

सगळ्यांचे लक्ष वेधून घेतो

बाळाचे सारेच लाड करतात 

हे हवे ते नको  सर्व पुरवतात

खुदू खुदू जेव्हा बाळ हसतो

सर्वांचा चेहरा आनंदी दिसतो

- नासा येवतीकर, धर्माबाद

  9423625769

काही तरी हरवलं

शून्य नजरेने आकाशात पाहत

भूतकाळात जरासे डोकावलं

तेव्हा कोठे मला जाणवलं की

माझं काही तरी नक्की हरवलं

बालपणीच्या मित्रांसोबतचा वेळ

मैदानावर दिवसभर खेळलेला खेळ

सायंकाळी चौकात खाल्लेली भेळ

सारं चित्र सर्रकन डोळ्यांपुढून सरकलं 

माझं काही तरी नक्की हरवलं

शाळेत मित्रांसोबत केलेली खोडी

पावसाच्या पाण्यात सोडलेली होडी

उगीच पोरांपोरीची लावलेली जोडी

डोळ्यांत पाणी येतंय जेव्हा हे आठवलं

माझं काही तरी नक्की हरवलं

मित्रांपुढे सारे जग फिके फिके वाटे

मित्रांला दुःखात पाहून मनी दुःख दाटे

घाबरलो नाही वाटेवर असो कितीही काटे

जिवाभावाच्या त्या मित्रांना दुरावलं

माझं काही तरी नक्की हरवलं

- नासा येवतीकर

इच्छापूर्ती

मुलांनी काय काय करावं ?

हे पालकांनी का ठरवावं ?

पालकांचीच ईच्छापूर्ती

करण्यासाठी का जगावं

पालकांना वाटे अधुरे स्वप्न

मुलांच्या रूपाने पूर्ण व्हावं

त्याच्यात असो नसो क्षमता

मात्र त्याने स्वप्न पूर्ण करावं

मनी स्वप्न पूर्ण झाले नाही तर

पालकांचा अपेक्षाभंग होतो

पाल्याचा जातो आत्मविश्वास

जीवनात सदा तो मागेच राहतो

कुणाला असते खेळण्याची इच्छा

तर कुणी छान छान पेंटिंग करतो

कुणी असतो अभिनयात निपुण

कुणी कामाची छान सेटिंग करतो

पालकांनो वेळीच सावध व्हा

पाल्याविषयी थोडा विचार करा

त्याचे स्वप्नं त्याला पूर्ण करू द्या

आपले स्वप्नं लादू नका जरा

- नासा येवतीकर, धर्माबाद

 9423625769

कविता - शब्द

 

शब्द ही मेरा धन

शब्द ही मेरा मन

शब्द से बने सुंदर

मेरा प्यारा जीवन ....1

शब्द ही मेरा प्राण

शब्द पे रखो ध्यान

शब्द से बिघडे नाता

जरा संभालो जुबान ....2

शब्द ही मेरी भाषा

शब्द ही मेरी आशा

शब्द से मिले तसल्ली

दूर करे मेरी निराशा ....3

शब्द बिना मै हुं कोरा

शब्द बिना मै अधुरा

शब्द से ही तो जीते है

सुखी जीवन हमारा ....4

- नासा येवतीकर, धर्माबाद

9423625769

खरे समाजसेवक

लोकांची सेवा करणारी माणसं काळानुसार बदलतात

सेवावृत्ती असणारे परिस्थिती पाहून काम करतात

गुलामगिरीतून मुक्त करण्या लढले अनेक क्रांतिकारक

प्राणांची आहुती देऊन बनले तेच देशाचे खरे सेवक

जनतेचे अज्ञान दूर सारण्या ज्योत पेटविली शिक्षणाची

अनेक संकटे झेलून ध्यास घेतला समाज सुधारणांची

कोरोनाच्या संकटात पोलीस डॉक्टर बनले सेवक

दिवसरात्र सेवा करून तेच बनले खरे समाजसेवक

जीवाची पर्वा न करता दिली सेवा जसे  लढतो सैनिक

खरी देशभक्ती दिसली म्हणून तेच देशाचे खरे पाईक

- नासा येवतीकर, धर्माबाद जि. नांदेड

  9423625769

पंखात बळ माझ्या

दोन चिमुकली पाखरे आपल्याच घरट्यात
फडफड करत होती
बाहेर चोच काढून खायला काही तरी
ती मागत होती
तिची आई देखील दूरवर उडत जाऊन
पिलासाठी काहीतरी खाऊ आणत होती
असे काही दिवस चालले 
एके दिवशी घरट्यात कोणीच दिसत नव्हते
पंखात बळ आले म्हणून ती पिले उडून गेली

आपले पोट भरण्यासाठी दूर देशा गेली

माणसाचे आयुष्यदेखील आजकाल या पक्ष्यांप्रमाणे झाले

लेकरं शिकून मोठी झाली चार पैसे कमावू लागली
की त्यांच्या पंखात बळ येते
नि आई बाबाला घरात ठेवून परदेशात नोकरी करायला
चालली कायमची जसे पाखरे उडून गेली कायमची,
कित्येक दिवस वाट पाहतात
डोळ्यातील अश्रू आटून जातात,
पण ती पाखरे पुन्हा त्या
घरट्यात परत येत नाहीत ......
कधीच परत येत नाहीत ......!

- नासा येवतीकर, धर्माबाद जि. नांदेड
9423625769

आयुष्याचे गणित

कुणाच्या आयुष्याच्या थाळीत

खूप काही मांडून ठेवले आहे

सारं बघायला त्याला वेळ नाही

कुणाच्या आयुष्याच्या थाळीत

काहीच मांडून ठेवलेलं नाही

कष्ट करून आयुष्य संपून जाई

निर्माता असे का करतो एक कोडे

सारखे मनात डोकावत असतो

आयुष्यात सारखेपणा का नाही

कुणाला कष्ट करण्याची गरज भासते

तर कुणाला काही करावे लागत नाही

आयुष्याचे हे गणित मला कळत नाही

- नासा येवतीकर, धर्माबाद जि. नांदेड

  9423625769

स्वतःसाठी जगा

जगासाठी नाही तर स्वतःसाठी जगा

सध्याचा काळच वाईट आहे ते बघा

कोणी कोणाच्या जवळ जायचं नाही

दुरूनच सहकार्य करीत चांगले वागा

एकमेकांना बोलून धीर देत राहायचं

मनावर ताण घेऊन उगीच नको त्रागा

जीवनावश्यक वस्तूसाठी नको धडपड

जीवन हेच आवश्यक आहे तुम्ही जाणा

एक पाऊल मागे गेल्याने हार होत नाही

हरून जिंकण्यातच खरा समंजसपणा

 

- नासा येवतीकर, धर्माबाद, जि. नांदेड 9423625769

त्या जुन्या वाटा

लहानपणीच्या आठवतात त्या जुन्या वाटा

चेहऱ्यावर स्पष्ट दिसतात आनंदाच्या लाटा

लहानपणी अनेक बंधने अनेक आठकाठी

हे करू नको ते करू नकोची आडवीकाठी

खेळतच राहत असे पायी रुतला जरी काटा

लहानपणीच्या आठवतात त्या जुन्या वाटा

शाळेला दांडी मारून मित्रांसंगे फिरायला जाणे

घरात लबाड बोलून आवडता सिनेमा बघणे

खिशात त्यावेळी नव्हते जरी रुपयांच्या नोटा

लहानपणीच्या आठवतात त्या जुना वाटा

ती मलाच पाही म्हणून तिचे नाव वहीत लिहलं

चोरी चोरी चुपके चुपके तिला भेटावंसं वाटलं

माझं प्रेम तिला वाटत असेल जरी खोटा

लहानपणीच्या आठवतात त्या जुना वाटा

लहानपणीच्या आठवणीने आता येते हसू

दुःखात मित्रांना पाहून डोळ्यात येती आसू

मदत करावी गरिबांना होवो किती जरी घाटा

लहानपणीच्या आठवतात त्या जुना वाटा

- नासा येवतीकर, धर्माबाद जि. नांदेड

9423625769

विस्तव वास्तवातलं

वास्तव सत्य हे कधीही विस्तावासारखं असते

अनेक अन्यायकारक असत्याला जाळून टाकते

लहानपणापणी मुलांना सत्याची शिकवण दिली जाते

हेच बालपणीचे संस्कार आयुष्यभर सोबत राहते

मोठे झाल्यावर सारे संस्कार विसरून खोटे बोलतात

चांगली शिकवण देणारे ही वाईट मार्गावर चालतात

एक खोटं लपविण्यासाठी शंभर खोटे बोलावे लागते

त्यापेक्षा सत्य बोललं तर मनात कसलीही भीती नसते

दुसऱ्यांनी केलेली स्तुती प्रशंसा सर्वाना आवडते

आपल्यातले दोष कुणी दाखवले की राग येते

काही वास्तव गोष्टी सांगितलं की लोकांना कडू वाटते

सत्य स्वीकार करण्यासाठी खूप मोठं मन लागते

- नासा येवतीकर, धर्माबाद जि. नांदेड

  9423625769

कविता वाचल्याबद्दल धन्यवाद.....!