15/03/2021

कविता - झोप 

तळहातावर पोट असणारे

विना काळजी जगतात

ज्याच्याजवळ संपत्ती असते

रात्रभर जागरण करतात

निवांत झोप यावी म्हणून

दिवसरात्र मेहनत करतात

पैसा कमावून झोप उडते

रात्रीला गोळ्या खाऊन झोपतात

भकेला कोंडा नि निजेला धोंडा

त्यांची झोप हिरावून घेत नाही

कष्ट केल्याने येतो थकवा

त्यांना झोप म्हणावे लागत नाही

जीवनात पैसा संपत्ती महत्वाचे

सोबत महत्वाचे आहे झोप

दिवसा काम रात्री आराम नसेल

तर आपले सर्वच होईल लोप

- नासा येवतीकर, धर्माबाद, 9423625769