चित्रकाव्य - बोलका वृक्ष
थांबा काका थांबा काका
मी सांगतो ते जरा ऐका
असे कुऱ्हाड चालवून
माझं आयुष्य संपवू नका
मी देतो सर्वाना सावली
माझे महत्त्व समजून घ्या
कुणात अंतर नाही केली
माझे उपकार जाणून घ्या
फुलं देतो नि फळं देतो
पशु-पक्ष्यांना देतो आसरा
मी कधी काही मागलो नाही
रुसून धरलो नाही कोपरा
नेहमी येतो तुमच्या कामाला
विचार करा एकदा पुन्हा पुन्हा
माझ्याकडून त्रास नाही कोणाला
वृक्षतोडीचा करू नका गुन्हा
- नासा येवतीकर, धर्माबाद, 9423625769
No comments:
Post a Comment