सरत्या वयात

आयुष्याच्या सरत्या काळात

आमच्या समोर चिंता कोणाची ? 

कष्ट केलेल्या या हातांना आत्ता

गरज आहे निस्वार्थ हातांची 

खूप केली अंगभर मेहनत

गरज भासे क्षणभर आरामाची

नको आम्हांला पैसा अडका

प्रेम द्या जरासे आपलेपणाची

कोणालाही वेळ नाही आज

आमच्याकडे क्षणभर बघण्याची

जो तो धुंदीत मस्त आहे

काळजी ना आमच्या जीवांची

कोणाच्या वाट्याला न येवो

देवाकडे मागणी आहे आमची

सर्वाना सुखी समाधानी ठेव

हीच प्रार्थना आम्हां पामराची

- नासा येवतीकर