माझा जिल्हा - माझा तालुका


नांदेड जिल्ह्यात एकूण 16 तालुके आहेत आणि माझ्या तिसऱ्या वर्गात ही मुलांची संख्या 16 आहे याच योगायोग जुळलेल्या गोष्टीचा विचार करून हजेरी घेताना येस सर किंवा हजर सर असे बोलन्याऐवजी तालुक्याचे नाव घेतले तर ........
बस मग काय डोक्यात कल्पना आली आणि ती प्रत्यक्षात राबविन्यासाठी सुरु केली. सुरुवात जिल्ह्याच्या ठिकाणा पासून करण्यात आली. नांदेड हा जिल्हा तसेच तालुका आहे याची जाणीव करून दिली आणि तो क्रमांक वर्गातील चुणचुणित व हुशार मुलीस मिळाले. राहिले पंधरा तालुके त्यासाठी पंधरा चिठ्या तयार करण्यात आले आणि प्रत्येक चिठ्ठीवर एक तालुका लिहून त्याची फोल्ड करून फरशिवर टाकण्यात आले आणि प्रत्येकास एक या प्रमाणे उचलान्यास सांगितले आत्ता सर्व मुलांना तालुक्याचे नाव मिळाले होते मुलांना सूचना देण्यात आली की हजेरी घेताना मी ज्याचे नाव उच्चारण करेन त्यांनी आपल्या जवळ असलेल्या तालुक्याचे नाव घ्यायचे यामुळे काय झाले
* स्वतः च्या जिल्ह्याच्या मुख्यालय ची ओळख झाली
* जिल्ह्यात सोळा तालुके आहेत हे कळले
* सोळा तालुक्याची नावे सुद्धा लक्षात राहिली
* पूर्वी सोळा तालुक्याचे नाव सांगत असताना जे गडबड किंवा गोंधळ व्हायचा तो टळला
* एखाद्या दिवशी विद्यार्थी शाळेत आला नाही तर खास करून *आज कोणता तालुका अनुपस्थित आहे ?* असे म्हणून त्या तालुक्याची विशेष ओळख अजून करून द्यायचे आहे
* ज्याला तालुका मिळाला त्याने त्या तालुक्याची विशेषता लक्षात ठेवायचे हे त्यात पुढे वाढ करून खेळात रंजकता आनता येईल.

हा खेळ आपणास कसा वाटला आम्हाला कळविन्यास विसरु नका

आमचा पत्ता आहे
www.nasayeotikar. blogspot.com