स्वप्नातलं घर

प्रत्येकाचं एक स्वप्न असतं

घर असावं आपल्या हक्काचं

तेथे चालावी आपलीच मर्जी

राहावं आपल्या मनासारखं

संपूर्ण आयुष्याची जमापुंजी

लावतो स्वप्नांच्या पूर्तीसाठी

अहोरात्र कष्ट करत राहतो

सर्वजण सुखी राहण्यासाठी

कित्येकांचे स्वप्न धुळीस मिसळतात

कित्येकजणांचे प्राण ही जातात

लग्न करावे पाहून नि

घर पाहावे बांधून

जुने जाणते लोकं म्हणतात

झोपडी, कौलारू वा बिल्डिंग

घर कसे ही असो शेवटी

ते स्वप्नातील घरच असते

निवाऱ्याचे एक स्थान असते

घराला जास्त महत्व देऊ नये

स्वप्नपूर्ती करतांना आपल्या

शरीराला जास्त त्रास देऊ नये. 

- नासा येवतीकर, धर्माबाद

  9423625769