02/05/2021 avkali

कविता - अवकाळी पाऊस

कुणाला न सांगता येतो वेळी अवेळी

अश्यालाच जग म्हणतंय अवकाळी

त्याचे वागणे जरासे असते चित्रविचित्र

साऱ्यांचे बिघडवून टाकतो चांगले चित्र

सुरळीत काम चालू असतांना तो येतो

साऱ्या नियोजनावर पाणी फेरून जातो

मोजता येत नाही एवढं होते नुकसान

क्षणासाठी येतो नि सर्व होती परेशान

मान्सूनसारखे तो देखील हजेरी लावतो

कोणी दुःखी होतो कोणा सुखावून जातो

येणारे संकट काही केल्या टळत नाही

नशिबापेक्षा जास्त काही मिळत नाही

- नासा येवतीकर, धर्माबाद जि. नांदेड

9423625769