आज विचार सुद्धा करवत नाही
प्रेक्षकाविना कसा होईल सामना
घरीच सामन्याचा घ्यावा आनंद
कोरोनाची भीती आहे सर्वाना
मैदानात कोण चिअर्स करतील
आनंदात उड्या कोण मारतील
विनाप्रेक्षक खेळ कठीणच आहे
खेळाडूंना प्रोत्साहन कोण देतील
- नासा येवतीकर
कविता
नोकरी व कोरोना
नोकरीसाठी कित्येकजण
करतात जीवाचा आटापिटा
मुलांच्या परीक्षेच्या तयारीसाठी
आईबाप पोटाला देई चिमटा
परीक्षा डोळ्यासमोर ठेवून
मुलं रात्रंदिवस करती अभ्यास
पास होऊन नोकरी लागेल
सुखी जीवन जगण्याचा ध्यास
परीक्षा रद्द झाल्याच्या बातमीने
सारे परीक्षार्थी झाले हैराण
केलेला अभ्यास वाया जाईल
पालकांसह मुले झाली परेशान
निवडणूका कार्यक्रम सोहळे
सर्व काही निर्विघ्न संपन्न झाले
विद्यार्थ्यांच्या परीक्षेच्या वेळेस
कोरोना कसे क्रियाशील झाले
कोरोनाने सर्वानाच केले हतबल
आत्मनिर्भर देखील गळून पडले
कोणाची प्रगती रोकायची असेल
तर कोरोना कामी येऊ लागले
- नासा येवतीकर, धर्माबाद
तुझ्या आठवणीने बघ
वणवा लागलंय मनात
विसरण्याचा प्रयत्न केला
तरीही राहते स्मरणात
विसरून गेलीस कदाचित
माझ्यासंगे घालविलेला वेळ
आठवणीत झुरतो आहे
जीवनाचा नाही ताळमेळ
आनंदाचे दिवस संपले
नाही कोणी साथीदार
एकटा जीव सदाशिव
नाही मला घरदार
आजही तुझी प्रतीक्षा
वाट पाहतो आहे
येणार एक दिवस
मन सांगतो आहे
- नासा येवतीकर
No comments:
Post a Comment