08/05/2021 red cross day

।। रक्तदान ।।

काही गोष्टी अशा आहेत
जे तयार करता येत नाही
अन्न, पाणी, हवा नि रक्त
कोठेही निर्माण होत नाही

अन्नदान केल्याने व्यक्तीचे
एका वेळेचे पोट भरेल
पण रक्तदान केल्यामुळे
आयुष्यभर जीवन मिळेल

मानवाला जगण्यासाठी
खूप अनमोल आहे रक्त
माणसाच्या शरीरातच 
तो तयार होत असतो फक्त

रक्ताचे नाते असते घट्ट
जुळवून घेतो कोणालाही
जाती जमाती धर्म पंथ
पाहत नाही मुळीच काही

आजारी किंवा अपघातात
रक्ताची खरी गरज भासते
हिंडून हिंडून रक्त भेटेना
रक्ताचे महत्व तेंव्हा कळते

रक्ताचे आहेत अनेक प्रकार
जरी दिसत असेल ते लाल
रक्तगटानुसार जुळते रक्त
मिळत नसेल तर हालबेहाल

रक्त दिल्याने कमी होत नाही
रक्तदानाचे महत्व तुम्ही जाणावे
उलट रक्ताचे शुद्धीकरणासाठी
नियमित रक्तदान करत राहावे

ओ पॉजिटिव्ह जगाचा रक्तदाता
रक्तदानाने इतरांना होतो फायदा
रक्तदान हेच आहे जीवनदान
बी पॉजिटिव्ह राहावे सदासर्वदा

- नासा येवतीकर, 9423625769