मामाचे गाव
मामाचे गाव
खूपच छान
भेटतो सारे
होऊन लहान
मामाचे गाव
आहे लहान
लोकं सारी
आहेत महान
मामाचे घर
अगदी लहान
खेळायला मोठे
अंगण छान
मामाच्या घरची
मिरची भाकर
खातांना वाटते
गोड गोड साखर
मामाच्या घरी
दिवा वातीचा
तरी ही शोभून
दिसते रात्रीचा
मामाच्या घरात
नाही मुळीच टीव्ही
एकमेका संवाद
दुसरा पर्याय नाही
मामाच्या घरी आहे
मोठा काळा कुत्रा
चोरांना पळवून लावी
नव्हता मुळीच भित्रा
मामाच्या घरात
छोटेसे मनीमाऊ
दूध पितांना झालो
आम्ही भाऊ भाऊ
मामाचे गाव
आहे दूर दूर
जाताना मनात
नेहमी हूर हूर
मामाचे गाव
माझ्या मनात
कोरून ठेवलंय
हृदयाच्या कप्प्यात
मामाचे गाव
आवडते भारी
बालपणीचे मित्र
भेटतात सारी
- नासा येवतीकर
9423625769
No comments:
Post a Comment