भारत देश महान
विविध पंथ धर्म नि जातीचे लोकं
येथे नांदतात गुण्यागोविंदाने छान
नाना लहान सहान प्रांताने बनला देश
गर्वाने म्हणू माझा भारत देश महान
भारताला लाभली गौरवशाली परंपरा
पाहिले अनेक क्रांतीवीर नि शूरवीरा
त्यांचे नाव घेता वाटे आम्हा अभिमान
गर्वाने म्हणू माझा भारत देश महान
आमच्या अज्ञानाचा फायदा घेउनी
दीडशे वर्षे राज्य केले इंग्रजांनी
चलेजाव लढ्याने जागा झाला स्वाभिमान
गर्वाने म्हणू माझा भारत देश महान
गुलामगिरी समूळ नष्ट करण्यासाठी
देशाला स्वातंत्र्य मिळवून देण्यासाठी
अनेकांनी दिले आपल्या प्राणांचे बलिदान
गर्वाने म्हणू माझा भारत देश महान
अनेकांचे कष्ट अखेर आले फळाला
स्वातंत्र्य मिळाले पंधरा ऑगस्टला
एकमुखाने गाऊ भारतमातेचे गुणगान
गर्वाने म्हणू माझा भारत देश महान
- नासा येवतीकर, विषय शिक्षक, कन्या शाळा धर्माबाद, 9423625769
No comments:
Post a Comment